Wéini kann d’Schoul-Mediatioun hëllefen?

D’Schoul-Mediatioun kann an 3 Fäll hëllefen:

1. Schoul-Ofbroch

Wann een d’Schoul ofbrieche wëll oder muss.

Ofbriechen heescht: Et geet een net méi an d’Schoul.

Et huet een awer nach keen Ofschloss.

D’Schoul-Mediatioun hëlleft, datt een d’Schoul net ofbrécht.

Et huet een d’Schoul schonn ofgebrach?

Dann hëlleft d’Schoul-Mediatioun dobäi, erëm eng Ausbildung ze fannen.

2. Inklusioun

Inklusioun an der Schoul heescht:

D’Schüler ginn all an déi selwecht Klass.

Och Schüler, déi besonnesch Hëllef brauchen.

Gëtt et hei Problemer?

Da kann d’Schoul-Mediatioun hëllefen.

3. Integratioun

Integratioun an der Schoul heescht:

Et gëtt Kanner, déi nei op Lëtzebuerg kommen.

Si kënnen d’Sprooche vu Lëtzebuerg nach net.

Si brauchen Hëllef:

  • fir déi richteg Schoul ze fannen,
  • fir d’Sproochen ze léieren.

Dës Kanner kréie keng Hëllef?

Da kann d’Schoul-Mediatioun hëllefen.

Wie kann d’Schoul-Mediatioun ruffen?

  • d’Eltere vun de Schüler,
  • d’Schüler,
  • d’Personal vun der Schoul (Léierpersounen, Educateuren, Direkter …).

Nëmmen Elteren oder groussjäreg Schüler kënnen der Schoul-Mediatioun d’Erlabnis ginn, Informatioune bei der Schoul ze froen.

Hëlleft d’Schoul-Mediatioun, d’Schoul ze verbesseren?

Jo, d’Schoul-Mediatioun kann dem Minister Iddie ginn, fir datt d’Schoul besser funktionéiert.

De Minister kann dës Iddie benotzen, wann e Gesetzer mécht fir d’Schoul.

Wie schafft bei der Schoul-Mediatioun?

Méi gewuer ginn

Nëtzlech Linken